Malamh

شر البلية ما يُضحك - الجزء التاني

إذا اعتبرنا ان المنظرة شيء كويس.. يبقى على الأقل نتمنظر بشياكة.. أو نتردم ونتلهي على عنينا ونعيش عيشة أهالينا

يعني مثلاً مش علشان بأحب.. وعاوز أرسم نفسي أروح أجيب هدية للي بحبها

وأكتب عليها بكل فخر Gust for you

أو أشتري توك توك وأكتب عليه I MES YOU

ولا إن مسئولي الوحدة المحلية في مدينة الزقازيق يكتبوا على اللافتة اللي بيقراها العالم كله Zagzig City

بلاش الإنجليزي.. هانقول إنها لغة فرنجة

طيب والعربي كمان؟؟

توصل إن كلمة شوك – جمع شوكة – تتكتب ( شوق )

ذكرتني والله بصحفي كبير كأن بيدرس لنا محاضرة عن استخدام اللغة الصحفية السليمة، وكان ينطق كلمة الطب .. ( التب )

إذا كنا شعب جاهل.. فهذا ليس عيباً، لأننا نستطيع أن نتعلم. ولكن المشكلة أننا أصبحنا شعب جاهل.. ومكابر أيضاً

في موضوع ( الموبايل للجميع ) اتكلمت موناليزا عن الموبايل ومنظرة الموبايل

لكن الغريب أننا ممكن نسمع نغمة موبايل عبارة عن صوت كتاكيت، أو قطة، أو صوت حمار

أي والله صوت حمار.. يعني أنكر الأصوات بقت نغمة

بالله عليكم .. فيه مسخرة أكتر من كده؟

ونرجع نستغرب أحنا ليه متخلفين؟

لأننا لازم نواجه نفسنا بأخطائنا الأول.. بقصورنا وعجزنا

لازم نتعرى قدام نفسنا، وكفاية بقى نضحك على روحنا بكلام فارغ وعبارات رنانة لا بتودي ولا بتجيب

عموماً الملف الصوتي اللي في بداية الموضوع هو قصيدة عبقرية أرسلها لي شخص عزيز جداً على قلبي، وجمعت بين اللغة العربية واللغة الإنجليزية

اسمعوها واضحكوا بدل ما نبكي، وشوفوا ازاي جملة ( أحبكِ حباً ) لما ترجمت إلى الإنجليزية؛ تحولت بقدرة قادر إلى ( ألوفك لوفاً )

لله في خلقه شئون.. وأترككم مع الصور

ولكم التحية،

موضوع ذا صلة:

شر البلية ما يضحك – الجزء الأول

الإسكندرية.. موجة حب على أرض مصر

كلام كتير ممكن يتقال لو حاولنا نتكلم عن مدينة ما، وكلام أكتر لو كانت المدينة دي هى الإسكندرية الجميلة، بكل تاريخها، وأصالتها، وجمالها.

لكن عملاً بالمبدأ القائل بأن الصورة تساوي ألف كلمة، فتعالى نختصر آلاف الكلمات، ونخرج في جولة مع عروس البحر الأبيض، الإسكندرية.. العاصمة المصرية الثانية.

فيه بس ملحوظة صغيرة، وهى إن لو عجبتك صورة وحبيتك تحفظها عندك فما تتعب نفسك، لأني جمعتهم لك مع مجموعة تانية في ملف واحد مضغوط في آخر الموضوع مساحته 5 ميجا فقط، ويحتوي على حوالي 70 صورة للإسكندرية..

ملحوظة أخيرة، وهى أن عنوان الموضوع هو شعار منتشر في الإسكندرية..

رحلة سعيد..

حمل الملف الذي يحتوي على 70 صورة لمدينة الإسكندرية من هنا

الإسكندرية، موجة حب على أرض مصر

وإلى لقاء مع مدينة دمشق.. الفيحاء

شر البلية .. ما يـُضحك

كان فيه إمام مسجد بيلقى خطبة جمعة عن التبرج .. وبيقول

حافظوا على بناتكم .. البنت من دول ترتدي ملابس تُظهر مفاتنها، وتحط أحمر وأخضر

قال إيه رايحة المدرسة .. وهى رايحة تقابل الحبيب

الناس ردوا عليه وقالوا

عليه الصلاة والسلام

ذكرتني هذه الصورة .. بهذه النكتة

دا مكتب كمبيوتر باين

لا .. وعربي كمان

بالذمة فيه عبقرية هندسية بعد كده؟

ناس ذوق .. ذوق .. ذوق

هاني رمزي في فيلم ظاظا قال

لما نحب نوكل الناس الأونطة، نوكلها لهم بالمعلقة.. مش سد حنك كده

نلتقي بعد الفاصل