Malamh

عايز تعد النجوم؟.. وفي عز الضهر كمان؟

لو انت من هواة عد النجوم،.. مش قصدي بتحب، لكن أقصد من عشاق السما ومتابعة النجوم والكواكب،

لو انت من المهتمين بالفلك، أو من المحبين له يبقى أكيد هايعجبك البرنامج ده.

البرنامج هو stellarium وهو فعلاً وبدون مبالغة تحفة في مجاله،

وحجم البرنامج حوالي 40 ميجا.

أولاً حمل البرنامج من هنا لو كان نظام التشغيل وندوز

stellarium-0.10.2

أو حمله من موقعه الأصلي لأنه free open source من هنا

stellarium-0.10.2

واختار نظام التشغيل عندك سواء كان لينكس أو ماكنتوش

******

تعالى بقى نشوف ازاي نتعامل مع البرنامج..

بعد تنصيبة بالطريقة العادية، هايفتح معانا لكن بدون القوائم،

فعلشان نظهر القائمة الجانبية نحرك مؤشر الماوس بس ناحية الجنب، وكذلك بالنسبة للقائمة السفلى.

وبالتالي تظهر نافذة البرنامج بهذا الشكل:

بالنسبة للقائمة الجانبية فهى موضحة في الصورة، لكن المهم منها هو اختيار الموقع علشان طبعا التوقيت،

لأن البرنامح حي بالفعل، يعني مثلاً لو ضبط المكان ( مدينة دمشق ) هاتظهر لي السما في مدينة دمشق في الوقت ده بالظبط، وكأنها صورة حية،

يعني لو لحظة غروب هتلاقي الشمس فعلاً بتغرب قدامك على الشاشة شوية بشوية وكأنك شايفها بعنيك.

هانختار المدينة، ونضع الاختيار كوضع افتراضي، علشان البرنامج يفتح كل مرة على نفس المدينة.

ممكن كمان اختار كوكب معين، او اختار اللغة.. والبرنامج على فكرة بيدعم اللغة العربية.. وكتير من الاختيارات حاول تجربها بنفسك.

والصورة التالية مثلاً من كوكب المريخ.

النسبة للقائمة السفلى فهى حسب الارقام:

1- لإظهار تخطيط الأبراج

2- لإظهار اسماء المجموعات النجمية .. وهى كثيرة جدا

3- لإظهار مجسمات الأبراج .. كما في الصورة التالية:

4 ، 5 لإظهار دوائر العرض أو خطوط الطول

6- لإظهار سطح الأرض.

7- لإظهار الاتجاهات الأربعة

8- لإظهار طبقة الأتموسفير

وللي مش عارف أي هى طبقة الأتموسفير فهى طبقة في الغلاف الجوي للأرض هى السبب اللي بيخلينا نشوف السما منورة بالنهار، يعني لولاها كنا شوفنا السما بالنهار زي الليل.

10- لإظهار أسماء الكواكب.

11- لانتقال العرض تبعاً للنظام الاستوائي

12- الذهاب إلى نجم محدد

ولتحديد أي

نجم أو كوكب نضغط عليه ضغطتين، ولو حبينا نقرب الصورة منه كأننا شايفينه من تليسكوب بنضغط على الشرطة المايلة للأمام ( / ) ونبعد بالشرطة المايلة للخلف ( \ )

وعموما ادخل اختصارات البرنامج وهاتكتشف كتير، كمان اختار اللغة العربية للعرض لو كانت عندك أزمة مع لغة الفرنجة وبقايا الصليبيين..

13- للانتقال إلى نظام الرؤية الليلية.

14- لتضغير نافذة البرنامج.

15- لإغلاق البرنامج.

16- للتحكم في الوقت.

ممكن كمان نتحكم في الوقت من النافذة الجانبية

لاحظ الصورة دي:

التوقيت اللي أنا ضبطه هو 29 مارس 2006 ، وزي ما هو مكتوب على الصورة هو تاريخ آخر حالة كسوف للشمس شهدتها مصر.

لما ضبطت التاريخ والتوقيت ( الساعة 12 و 40 دقيقة ) فعلاً أظهر البرنامج حالة الكسوف الكلي في مدينة السلوم، والجزئي في مدينة الإسكندرية.

معنى كده مثلا ممكن اكون عارف ان في تاريخ كذا حصلت حالة خسوف في مدينة كذا، يبقى أضبط التاريخ، واغير للمدينة، بالتالي هاشوف حالة الخسوف كأني شايفها بعنيا فعلاً.

مش قلت لك برنامج تحفة لعشاق السماء والفلك.

وهذه سماء الإسكندرية حاليا في هذه اللحظة 27 مارس 2009 - الساعة 6 و 22 دقيقة صباحاً.. بعد تشغيل طبقة الأتموسفير.

بجملة الرغي بقى، وبما ان الشيء بالشيء يُذكر

عاوزك أقولك على..

طريقة حساب الأبراج

يعني مثلاً تلاقي واحد – خلينا نقول فلكي مش دجال – يقولك اسمك واسم أمك علشان يشوف لك الطالع.. وطبعاً هو طالع عينه لا بيشوف طالع ولا نازل،

لكن هو باسمك واسم امك بيحسب البرج بتاعك،.......ازاي؟؟

اقولك..

كل حرف في اللغة العربية له رقم حسب الجدول التالي:

لاحظ ان الحروف مرتبة الترتيب القديم ( أبجد هوز حطي كلمن سعفص قرشت تخذض ظغ )، وهو كان ترتيب الحروف قبل ما يرتبها نصر ابن عاصم الليثي في شكلها المعروف حالياً ( أبتث جح خدذ رز ... الخ )

نفترض واحد اسمه مثلاً برعي .. واسم أمه رشا

نبقى نجمع اسمه واسم امه بهذا الشكل

ب= 2

ر= 7

ع=70

ي= 10

اذن مجموع اسمه = 89

ر= 200

ش= 300

أ= 1

إذن مجموع اسم أمه = 501

يبقى 89 + 501 = 590

لحد كده كويس .. ناخد بقى الرقم ده ( 590 ) ونقسمه على 12

مش بالآلة الحاسبة .. لكن قسمة مطولة

اوعى تكون مش عارف ازاي تعمل القسمة المطولة .. دي في ابتدائي

شكلك مش عارف.. صح؟

عموما ولا تشغل بالك.. الملف ده فيه عرض باوربوينت بيشرح طريقة القسمة المطولة

حمله من هنا

القسمة المطولة

طيب بعد ما نجمع الاسم + اسم الام ونقسمهم على 12 نشوف الباقي من عملية القسمة كام

لو كان الباقي

وعلى فكرة هو ده البرج الحقيقى مش اللي بيتحسب على اساس تاريخ الميلاد.

اما ايه بقى سمات الأبراج وازاي نقدر نقرأ الطالع ونحسب النجم ؟؟

فهذا أمر شرحه يطول .. وأنا الآن مشغول..

لكن افتكر ديما ..... كذب المنجمون ولو صدقوا

يا رب اكون قدمت شيء مفيد